На днях у гарадскім цэнтры культуры адбыўся творчы вечар, прысвечаны 30-годдзю з дня заснавання народнага фальклорнага калектыва «Лутава».
На сёння ў гуртку засталося толькі чатыры жанчыны — Валянціна Фёдараўна Кошчанка, Ганна Мацвееўна Чарнянок, Таццяна Паўлаўна Хлебіна і кіраўнік Тамара Сяргееўна Шапавал.30 год у любое надвор’е збіраюцца гэтыя цудоўныя жанчыны разам і спяваюць. Сэрца замірае ад салодкіх гукаў народнай песні, якія хочацца слухаць, каб не забыць нашу спрадвечную спадчыну, перанятую ад бабуль і матуль. Народны фальклорны калектыў “Лутава” і цяпер удзельнічае ў раённых і абласных фальклорных святах і фестывалях. У рэпертуары калектыву больш за 100 песень, асноўная частка якіх сабрана ў нашым рэгіёне. Падчас мерапрыемства гучалі не толькі старадаўнія, але і абрадавыя — калядныя, купальскія, русальныя, жніўныя, веснавыя і інш. У розныя перыяды побач з удзельнікамі знаходзіліся і акампаніятары П.І. Бондар, Э.В. Пархоменка, Ф.В. Шынкарэнка, П.П. Плюшчай. За вялікі ўклад у развіццё народнага фальклорнага калектыву “Лутава” яны ўзнагароджаны Падзякамі ад начальніка аддзела ідэалагічнай работы, культуры і па справах моладзі райвыканкама. Намеснік старшыні райвыканкама Н.Л. Каурава ад раённага выканаўчага камітэту ўзнагародзіла калектыў дыпломам за вялікі ўклад у развіццё, захаванне і адраджэнне беларускай культуры, актыўны ўдзел у творчым жыцці Лоеўшчыны і ў сувязі з 30-годдзем з дня ўтварэння народнага фальклорнага калектыву “Лутава”.Віншавалі юбіляраў таксама старшыня Лоеўскай РА “Беларускае грамадскае аб’яднанне ветэранаў” Т.А. Башлакова, кіраўнік народнага аматарскага аб’яднання “У кого душа бодра, не стареют никогда” М.І. Шумігай.
