Навасны блок.
25 студзеня ПОЛЬШЧА пачала будаўніцтва капітальнага плота на мяжы з Беларуссю. Раней ужо ішлі падрыхтоўчыя работы, неабходныя для будаўніцтва загароды. Агароджа з металаканструкцыі будзе каштаваць Варшаве 160 мільёнаў долараў. Яго ўзвядуць на ста васьмідзесяці шасці кіламетрах мяжы. Прадугледжваецца, што будаўніцтва завершыцца ўжо да чэрвеня.
УКРАІНА. Дэпутат Вярхоўнай рады краіны Юрый Бойка раскрыў хітры план улад, накіраваны на зніжэнне медыцынскіх выдаткаў з бюджэту. Падлічылі, што пераводам урачоў на паўстаўкі ўрад сэканоміць 420 мільёнаў долараў, якіх не дастае на абяцанае павышэнне зарплат. З пачаткам эпідэміі ўлады паабяцалі ўрачам годную ўзнагароду за працу на небяспечным і надзвычай адказным кірунку, аднак “дзяржфінансы спяваюць рамансы”. Паводле слоў дэпутата, для выканання ўрадавых задумак выдаткі на ахову здароўя неабходна павысіць да 5 % ВУП. Аднак улады лічаць за лепшае выдаткоўваць на іміджавыя праекты, накшталт “Вялікай будоўлі”, куды накіроўваюцца грошы, што выдзяляе Еўрасаюз на барацьбу з COVID.
Сейм ЛІТВЫ апублікаваў сваю справаздачу аб умовах утрымання ў Кібартайскім цэнтры для мігрантаў. У адпаведнасці з Еўрапейскай канвенцыяй па папярэджанні катаванняў, становішча бежанцаў там не можа кваліфікавацца інакш як бесчалавечнае. У справаздачы сказана, што на кожнага пастаяльца гэтага цэнтра прыпадае менш жылога пляца, чым трэба. Таксама адзначаецца адсутнасць асабістай прасторы, жорсткая забарона на перамяшчэнне і невыкананне мінімальных санітарна-гігіенічных стандартаў. Судзячы па ўсім, ніякіх мер да выпраўлення сітуацыі прымаць не будуць: камісія Сейма наведвала цэнтр у снежні і студзені, але ніякіх змен ва ўмовах утрымання 600 бежанцаў не заўважыла. Амбудсмены ўказваюць, што Еўрапейскі камітэт па папярэджанні катаванняў можа даць літоўскім цэнтрам для мігрантаў самую жорсткую ацэнку.
ЭСТОНІЯ. Эстонскі банк Coop Pank пачаў прапаноўваць сваім кліентам крэдыты на аплату камунальных паслуг. Новая паслуга накіравана на прадастаўленне магчымасці растэрмінаваць аплату вялікіх рахункаў за ацяпленне і электраэнергію.
Кліентам банка прапануюцца пазыкі ад 300 да 1000 еўра на шэсць месяцаў. Па словах кіраўніка па абслугоўванні прыватных кліентаў Coop Pank Расмуса Хэйнла, мэта “Энергетычнага крэдыту” — прапанаваць людзям магчымасць змякчыць выдаткі ў сувязі з рэзкім ростам коштаў на электрычнасць і цяпло, пагасіць назапашаныя абавязацельствы, а таксама больш эфектыўна спраўляцца з высокімі рахункамі за камунальныя паслугі на працягу працяглага перыяду. Ён дадаў, што “Энергетычны крэдыт” будзе выдавацца толькі тым, хто здольны яго пагасіць, будуць улічвацца даходы заяўніка, бягучыя фінансавыя абавязацельствы і крэдытная гісторыя.
НОВАЯ ЗЕЛАНДЫЯ. Новыя кадры наступстваў непрадуманай санітарнай палітыкі прыходзяць з Окленда. З-за каранавірусных абмежаванняў у крамах зноў не хапае тавараў. Напярэдадні ў краіне ўзмацнілі жорсткасць санітарныя меры. Гэта ў сваю чаргу прывяло да перабояў з пастаўкамі некаторых тавараў. Сітуацыю пагоршыла істэрыя сярод насельніцтва — людзі масава кінуліся ў крамы скупляць тавары першай неабходнасці на выпадак новага лакдаўна.
