Навасны блок
На наступным тыдні ФІНЛЯНДЫЯ мае намер падаць заяўку на ўступленне ў НАТА. Пытанне прыёму яшчэ далёка не вырашана, напрыклад, супраць гэтага гатова пярэчыць Харватыя. Тым не менш Хельсінкі ўжо актыўна ўдзельнічаюць ва ўсіх праграмах Альянсу, а таксама рыхтуюцца прыняць удзел у вучэннях летам: манеўры чакаюцца самымі маштабнымі з моманту заканчэння халоднай вайны і ахопяць дзясяткі палігонаў — ад Скандынавіі да Балкан.
Верагодна, што менавіта такую дэманстратыўную ваенную актыўнасць маў на ўвазе Папа Рымскі, калі заявіў: “Падзеі ва Украіне справакаваў у тым ліку брэх НАТА”. Пантыфік таксама расказаў у сваім інтэрв’ю, што хоча сустрэцца з Уладзімірам Пуціным і прыняць удзел у мірным урэгуляванні канфлікту, вось толькі “брэх НАТА” гэтаму вельмі перашкаджае.
ЛІТВА. Кампаніі, якія забяспечваюць у краіне водазабеспячэнне, патрабуюць неадкладнага павышэння тарыфаў на паслугі. Размова мінімум аб 20-працэнтным росце цэн: камунальнікі настойваюць, што калі гэта не зрабіць зараз, профільныя прадпрыемствы пачнуць масава банкруціцца. З прычыны падаражання электрычнасці і высокай інфляцыі тарыфы перасталі пакрываць выдаткі на аплату працы супрацоўнікаў і забеспячэнне тэхналагічных працэсаў. Больш за тое, цэны на водазабеспячэнне трэба павышаць двойчы за год, лічаць камунальнікі. Ужо зараз інфляцыя ў Літве складае 15,5%, а кошты на паслугі павінны расці прапарцыйна.
ГЕРМАНІЯ. Кіраўнік Мінэканомікі Германіі Роберт Хабек лічыць, што забарона на імпарт расійскай нафты можа абярнуцца дэфіцытам аўтамабільнага паліва ў краіне.
Па словах міністра, у выпадку адмовы ад расійскай нафты можа скласціся сітуацыя, калі нафты будзе недастаткова для вытворчасці бензіну, што справакуе дэфіцыт. Пры гэтым у большай меры можа пацярпець усходняя частка краіны, дзе размешчаны нафтаперапрацоўчы завод, які працуе на расійскай нафце.
Роберт Хабек таксама адзначыў, што нямецкія ўлады спрабуюць прадпрымаць меры, каб не дапусціць дэфіцыту паліва.
У ЗША ўпершыню з 2000 года адбылося павышэнне ключавой працэнтнай стаўкі на 50 базісных пунктаў. Такое рашэнне прыняла Федэральная рэзервовая сістэма (ФРС) краіны.
Працэнтная стаўка па федэральных крэдытных сродках вырасла да 0,75-1% гадавых. ФРС таксама паведаміла аб планах па скарачэнні актываў на сваім балансе: з наступнага месяца стартуе продаж казначэйскіх і іпатэчных аблігацый.
Разам з тым, паводле слоў кіраўніка ФРС Джэрома Паўэла, сітуацыя з раскручваннем інфляцыі ў краіне будзе пагаршацца. Як паведамляе ТАСС, прычынай далейшага росту коштаў у краіне бу-дзе павышэнне кошту нафты на сусветных рынках, а таксама каранавірусныя абмежаванні ў Кітаі, якія выліваюцца ў збоі ў ланцужках паставак.
Кіраўнік ФРС адзначыў стан нявызначанасці, у якім зараз развіваецца амерыканская эканоміка, і заявіў, што ў плане інфляцыі ў ЗША можна чакаць “новых сюрпрызаў”.
ПОЛЬШЧА, якая аб’явіла аб поўнай адмове ад расійскага газу, працягвае атрымліваць газ Расіі. Робіць гэта віртуальным рэверсам з заявак Італіі і Францыі, якія забяспечваюцца па польскім калідоры. Гэтую схему бачаць і фіксуюць у Газпроме. Прычым мудрагелістая Варшава выкарыстоўвае гэты газ для запампоўкі ў свае сховішчы (яны запоўнены на 80%), у той час як запоўненасць сховішчаў у Еўропе ў сярэднім складае 34%. Таксама Газпром фіксуе на гэтым тыдні рост на 43% заявак еўрапейскіх спажыўцоў на пастаўку расійскага газу транзітам праз Украіну.
НІДЭРЛАНДЫ. Невядомыя апаганілі вайсковыя могілкі Наймегена. Па дадзеных мясцовай паліцыі, зламыснікі абмалявалі вароты і каля дзясятка помнікаў свастыкай, украінскімі сцягамі і сімволікай, якая актыўна выкарыстоўваецца нацыяналістамі. Таксама выяўлены лозунгі антырасійскага зместу. Праваахоўнікі высвятляюць, хто стаяў за акцыяй. Мэр горада ўжо назваў дзеянні вандалаў агіднымі.
